جمعرات, 6, اکتوبر, 2022
ہوماعلان واشتہارات27/نومبر سےدارالسّلام فاؤنڈیشن دربھنگہ بہار کے زیرِ اہتمام دوسرے سہ ما ہی...

27/نومبر سےدارالسّلام فاؤنڈیشن دربھنگہ بہار کے زیرِ اہتمام دوسرے سہ ما ہی آن لائن عربی زبان وادب کورس کاآغاز

شائقین طلبہ 25/نومبر تک داخلہ کی کاروائی مکمل کرالیں!
انوار الحق قاسمی
ناظم نشر و اشاعت جمعیة علماء ضلع روتہٹ نیپال
رابطہ نمبر:917543830423+
عربی زبان فخرِکائنات حضرت محمد مصطفی صلی اللہ علیہ و آلہ و سلم کی زبان ہونے کے ساتھ ساتھ تمام مسلمانوں کے آخری مسکن یعنی جنت کی بھی زبان ہے اور قرآن واحادیث کے ساتھ ساتھ علوم عالیہ کی جتنی بھی کتابیں ہیں، سب عربی ہی زبان میں ہیں ۔
اس لیے عربی زبان سے محبت اور اس کی طلب مسلمانوں کا ایمانی تقاضا ہےاور قرآن واحادیث کی صحیح فہم اور حالات کے مطابق ان سے مسائل کا استنباط و استخراج بغیر عربی زبان و ادب میں درک حاصل کیےناممکن ہے۔
اور یہ بات بھی کسی سے مخفی نہیں ہے کہ درس نظامی کی تکمیل کے بعد بھی اکثرطلبہ عربی زبان و ادب پر مکمل قادر نہیں ہوپاتے ہیں،جس کی بنا ان کے لیے امہات الکتب سے استفادہ مشکل ساہوجاتاہے،یہی وجہ ہے کہ فضلاء کی ایک محدودتعداداپنے والدین کی طرف سے مزید علمی تشنگی بجھانے کا موقع ملتےہی فورًا عربی زبان وادب کا یک سالہ یا دوسالہ کورس کرنے کوترجیح دیتی ہے ،جس سے انہیں کافی فائدہ محسوس ہوتاہے اور انہیں عربی زبان وادب پر مکمل قدرت حاصل ہوجاتی ہے،نیز امہات الکتب سے استفادہ ان کے لیے بہت ہی آسان ہوجاتاہے۔
مگر یہ فضلاء کی ایک محدود تعداد ہے ،ان کی اکثریت گھریلو الجھن یا خارجی مصروفیات کی وجہ سے یک سالہ یادوسالہ عربی زبان وادب کورس کرنے سے محروم ہوجاتی ہے؛اس لیے ایسے فضلاء کے لیے گھر بیٹھے ہی عربی زبان وادب کے ماہراستاد،فاضلِ ادب عربی دارالعلوم دیوبند وفاضلِ فقہ وافتاء جامعہ مظاہرعلوم سہارن پورواستادِحدیث وادب و صدرمدرّس جامعہ ام الہدی پرسونی ،مدہوبنی،بہار
وڈائریکٹر دارالسلام فاؤنڈیشن دربھنگہ،بہاروامام وخطیب جامع مسجدشیبول مدہوبنی بہارحضرت اقدس مفتی اسعداللہ صاحب قاسمی مظاہری نے دارالسّلام فاؤنڈیشن دربھنگہ کے زیراہتمام دوسرا سہ ماہی آن لائن عربی زبان وادب کورس کاآغاز 27/نومبر 2021ء سے کرنے کافیصلہ لیاہے۔اس لیے عربی زبان و ادب میں مہارت اور درک حاصل کرنے کے خواہاں طلبہ سے گزارش ہے کہ 12/نومبر 2021ء سے 25/نومبر 2021ء تک اپنے داخلہ کی کاروائی مکمل کرالیں اور یادرکھیں کہ
تعلیمی اوقات دوہیں
:(1) رات 9:00بجے سے10:00بجے تک(2) رات 10:00بجےسے11:00تک،آپ ان میں سے ایک کاانتخاب کرسکتے ہیں۔
واضح رہے کہ طلبہ کی صلاحیتوں کے مختلف ہونے کی وجہ سے ابتدائی درجہ اور نہائی درجہ کی عربی کے حصول کو آسان بنانے کی کوشش کی گئی ہے ،اوراس کے لیے دودرجے طے کیے گئے ہیں:(1)ابتدائی (2)نہائی ،جن میں حسب لیاقت داخلہ لیاجائے گا،اس لیے عامّة الناس بھی اس سے استفادہ کرسکتے ہیں،تدریس کے لیے زوم اورواٹساپ دونوں سے مددلی جائے گی۔ اس سہ ماہی کورس کی تعلیمی فیس 2000/روپے رکھی گئی ہے ،جس کی پیشگی ادائیگی لازم ہے‌۔

روزنامہ نوائے ملت
روزنامہ نوائے ملتhttps://www.nawaemillat.com
روزنامہ ’نوائے ملت‘ اپنے تمام قارئین کو اس بات کی دعوت دیتا ہے کہ وہ خود بھی مختلف مسائل پر اپنی رائے کا کھل کر اظہار کریں اور اس کے لیے ہر تحریر پر تبصرے کی سہولت فراہم کی گئی ہے۔ جو بھی ویب سائٹ پر لکھنے کا متمنی ہو، وہ روزنامہ ’نوائے ملت‘ کا مستقل رکن بن سکتے ہیں اور اپنی نگارشات شامل کرسکتے ہیں۔
کیا آپ اسے بھی پڑھنا پسند کریں گے!

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

- Advertisment -spot_img
- Advertisment -
- Advertisment -

مقبول خبریں

حالیہ تبصرے