احمد نگر : چار سگے بھائیوں کی تالاب میں ڈوبنے سے موت

32

ضلع احمد نگر میں ایک دل دہلا دہنے والا واقعہ سامنے آیا ہے جہاں چار سگے بھائیوں کی تالاب میں ڈوب جانے سے موت واقع ہوگئی۔

مہاراشٹر کے ضلع احمد نگر کے گاؤں شری گوندا میں اپنے والدین کے ساتھ رہنے والے چار سگے بھائی، نوازش (9)، دانش (13)، ارباز (21) فیصل (18) ولد سلیم احمد تالاب میں ڈوب جانے سے جاں بحق ہوگئے۔

ان بھائیوں کے ساتھ ان کی ایک خالہ کا بیٹا بھی تالاب میں تیرنے گیا تھا لیکن خوش قسمتی سے وہ بچ گیا۔

واضح رہے کہ بچوں کے والد سلیم احمد کا تعلق اترپردیش سے ہے جو چند برس قبل روزگار کے سلسلے میں اپنے بیوی بچوں کے ساتھ احمد نگر آئے تھے۔

فی الحال موقع پر پولیس پہنچ گئی اور گاؤں والوں کی مدد سے چاروں بھائیوں کی لاشیں تالاب سے باہر نکالی گئی اور انھیں پوسٹ مارٹم کے روانہ کردیا گیا۔