گاؤں والوں نے موبائل چھین کر بھاگنے والے دو بدمعاشوں کو پکڑ کر پولیس کے حوالے کیا۔

ارریہ : رانی گنج تھانہ علاقہ کمال پور میں موبائل چھین کر بھاگنے والے جھپٹمار گینگ کے دو ارکان کو گاؤں والوں نے پکڑ کر مارا پیٹا اور پولیس کے حوالے کر دیا۔ معاملہ بدھ کی دیر رات کا ہے۔ معاملے میں متاثرہ نوجوان کے بیان پر رانی گنج تھانے میں ایف آئی آر درج کی گئی اور دونوں کو جیل بھیج دیا گیا۔ متاثرہ نوجوان کمال پور وارڈ نمبر 13 کے رہائشی حسیب نے بتایا کہ 17 اگست کی شام تقریباً سات بجے اس کے دونوں کزن محمد عادل اس کے دروازے پر سڑک کے کنارے بیٹھے تھے۔ دونوں اپنے موبائل پر گیم کھیل رہے تھے۔ اس دوران اچانک موٹر سائیکل پر سوار دو افراد آئے اور دونوں کے موبائل چھین کر بھاگنے لگے۔شور سن کر گاؤں والوں نے دونوں کو سامنے سے پکڑ لیا۔ جس کے بعد رانی گنج پولیس کو واقعہ کی اطلاع دی گئی۔ جس کے بعد پولیس کی گشتی گاڑی نے موقع پر پہنچ کر دونوں گرفتار افراد کو قبضے میں لے لیا، تلاشی کے دوران موٹر سائیکل کے پیچھے بیٹھے شخص سے عادل کا چھینا ہوا موبائل برآمد ہوا۔